Uummatit aggukkit, salilluakkit aaviattaajarluarlugit taqaajarluarlugillu.
Taratsunik qasilitsunillu tagiussivigikkit punnermullu uanitsunik ilalillugit sikatsikkit.

Qajumik miseqqiassamik immuullu qalipperneranik akullugit taratseqqikkit qasilitsuleqqillugillu.
Uummatit nal. ak. aappaata affaata missaani aqittuaranngornissaannut qalaarteruusaakkit.
Aalatillattaakkit.
Uummatit qaqikkit.

Qajua igamiittoq qalaartiguk, qajuusamillu kinersaaserlugu. miseqqap akussaanik akuneqarsinnaavoq.

Uummatit saattunnguanngorlugit aggukkit, miseqqamullu akulerullugit.
Naatsiiat kissarsuutikkut uutanik naatitanillu aalarfigitinnikunik akullugit sassaalliutigikkit.