Peqatigiinneq
Asanninneq, qanilaarneq kammagiinnerlu nuannaarnermik inuummarissusermillu pilersitsisarpoq. Kisimiinngitsutut misigilersittarpaatsit inuunerullu nuannersui pikkunartorsiorfiilu allanik avitseqateqalersittarlutit. Soorluttaaq peqqinnarnerusumik inuunissannik nukissalersittaraatsit.
Inerititat
Pingaarutilinnik vitamineqarput, mineralit, antioxidantit, fiberillu, taakkualu qaalersittarpaatsit. Ullut tamaasa inerititanik nerisarit, timippillu akiuussutissaa nukittorsarlugu.
Naatitat paarnallu
Naatitat paarnallu tungusunnitsortaqarput, kaloriakittunnguullutillu vitaminertaqartorujussuupput, timittalu akiuussutissartaanut iluaqutaallutik. Ukiup paarnaqarnerani kigutaarnaqarneranilu qerititsiviit immerluartaruk. C-vitamininik imaqarluarmata.
Aalisakkat imarmiutallu
Umimmanniit tuttuniillu proteineqarluarnerupput orsumillu issorneq ajortumik, omega 3-imillu imaqarluarnerullutik. Nungusaataanngitsumillu pinngortitatsinnit pissarsiarisinnaallugit.
Karritaq aserorterneqanngitsoq
Sivisunerusumik qaarsilaartittarpaatit. Aappit sukkoqarnera ataavartumik inissisimatittarpaa, tungusunnitsugunnerillu minnerulersillugu.
Kaagi
Ilaannikkooriarlutillu kaagimik tungusunnitsunilluunniit pisarsinnaavutit, peqqinnartunik nerisaqarnikkut, timigissartarnikkut kammalaateqarnerillu oqimaaqatigiissaartumik ingerlannerisigut.
Timigissarneq
Nukissanik ikuallaanermi, timi nukittunerulersarpoq nukissaqarnerulertarlunilu. Timigissarneq pisuttuarnerusinnaavoq, piniarneq imaluunniit arsarneq – nuannarinerpaasat aalluguk.
Oqimaaqatigiissumik inuunissat nassaariuk
Tamatta assigiinngilagut. Taamaammat illit kisivit oqimaaqatigiissumik inuunissat nalunngilat. Apeqqutaavoq kinaanersutit, qanoq utoqqaatiginersutit, sumi najugaqarnersutit suullu nuannarineritit. Peqqissutsimut toqqagassat iunnersuutissaraagut, illit nammineq tulluarsarsinnaasat. Taamaasillutit tamanna oqimaaqatigiissumik inuunissat, tarnikkut eqqissinermik aammalu ulluinnarni nukissarluarnermik pilersitsisoq nassaarisinnaassagakku. Toqqagassaq tooruk, paasisaqarnerullutillu.
