Tuttumit Osso Buco
User Review
( votes)
Akussai
Ima iliussaatit
Tuttup neqaa salilluaruk. Køkkenruulimik panertorteriarlugit taratserlugillu qasilitsulikkit.
Igamut angisuumut akunnattumik kissassusilerlugu olivenolie uunnaguk imaluunniit punneq aatsiguk. Uanitsoq, hvidløgillu agguarakkat siaasakkit. Qalipaatinippata neqit akulerutikkit. Neqit kajortillugit siakkit. Kajortippata igamit qaqikkit.
Uanitsut, hvidløgillu mikivallaanngitsunik aggukkit. Igami aqilinissaannut, qalipaatinilaarnissaannullu siaasakkit.
Neqit igamut ikeqqikkit. Naqqa tarrisillugu imileruk imaluunniit bouillongileruk.
Tupaarnat akulerutikkit, piumaguillu nammineq annertussusilikkannik honningilerlugu. Iga matullugu, neqit aqilinissaasa tungaannut kissarpallaanngitsumik 1½–2 tiimit missaanni qalaartiguk.
Minutsit 15-it kingulliit qalaarnissaannut sorlaat nerisassat, ingefærilu nerisassanut tungusunniaalersillugit, mamaqalersillugillu akulerutikkit.
Sassaalliutigitinnagit taratserlugillu qasilitsulikkit.
Kissarsuut 200 gradinut ikiguk (nalinginnaasumut)
Sorlaat nerisassat qalipaajakkit, assigiimmillu uukkumallugit angeqqatigiinnut takilaartunik imaluunniit mikisunngorlugit aggorlugit.
Uulialerlugillu krydderiilersukkit
Sorlaat nerisassat uutsivimmut pappiaralimmut ilikkit.
Uulia, taratsut, qasilitsut, tupaarnallu sorlannut akulerulluakkit.
Kissarsuummi uukkit: Uutsivik kissarsuummut ikiguk, sorlaallu aqilinissaasa, sinaasalu qalipaatinilaarnissaasa tungaannut minutsini 30-40-ni uullugit.
Uunnerini qiteqqunnerini sorlaat mumikkit.
Naatsiiat qalipaajakkit, assigiimmillu angissusilerlugit aggorlugit.
Imermut taratsilaakkamut naatsiiat aqilinissaannut (minutsit 15-20-t missaanni) qalaartikkit.
Imertaa kuiguk, imertaalu naatsiianit kuutsilluarumallugu naatsiiat uninngatilaarlugit.
Naatsiiat naatsiianut sequtserummik sequtsikkit – seqummarluttaqarsinnaapput.
Immuk igaaqqamut kissaguk.
Punneq, immullu kissartoq naatsiianut sequtsikkanut annikitsukkuutaarlugit aalatiutigalugit, naatsiiallu sequtsikkat naammatsinnissaannut akulerullugit.
Taratsunik, qasilitsunillu mamarsaasikkit.
Naggataatigut kuannit pilutai panertut akulerutikkit.
Kissartillugu sassaalliutigiuk.
Ilitsersuutit toqqakkat
