Arferup neqaata ilaa aggortuuseriarlugu igamut siaasalaassavat.

Porrit, kuuloruujut uanitsillu sianneqassapput.
Iga imertaleruk, 45 min. sivisunerulaartumilluunniit qalaarteruusaarlugu.

Naatsiat qalipaajarneqassapput qalaartinneqarlutillu.
Qalanniariarpata imertaa erngerlugu kuineqassaaq.

Arferup neqaata mumingi tamaasa 3-4 min. siakkit. Niutsivimmi uninngatikkit.

Miseqqiorit naatitat niugallariarlugit, immuup qalipaa kuiuk qalaartilaarlugulu.
Qajuusamik kinersaasiorit pisariaqartitarlu naapertorlugu kinersaasiillutit. Aalalluaruk kinissusaalu naammatsippat miseqqap akussaanik akullugu.

Naatitat 5 min. qalaartinneqassapput, qalappata imertaa kuineqassaaq, naatitat punnilikkit aserorterlugillu.

Nerisassiat sassaalliutigiuk.