Aanaap suaasaliai
User Review
( votes)
Akussai
Suaasat assigiingitsutigut, assigiinngitsunillu neqitalerlugit iganeqarsinnaapput. Aana puisip neqaanik suaasaliat.
1 kg puisip neqaa
Uanitsut angisuut marluk
Naatsiiat angisuut marluk
Kuuloruujut marluk
2 dl qaqorteqqasut kinertuliassat
3 l missaa imeq
Ima iliussaatit
Neqi errortorluaruk, imermullu qalattumut ikillugu. Neqi qalaartillugu ilaasa qajorlaajartarpaat, ilaasali aamma qajorlaajarneq ajorlugu. Uanga qajorlaajakkat mamarineruakka. Taava uanitsut, kuuloruujut, naatsiiallu aggukkat ikineqassapput.
1
Neqi errortoruk, igamullu angisuumut 3 L missaanik imitalimmut, uanitsunillu aggukkanik akulimmut ikillugu. Qallasertiguk, minguillu peerniassammata qajorlaajarluarlugu.
2
Iga matullugu neqip aqilinissaata tungaanut (neqi sunaanersoq apeqqutaatillugu) minutsini 45-60-ini qalaarteruusaaruk.
3
Qaqorteqqasut (imaluunniit suaasaaqqat) akulerutikkit, qaqorteqqasullu qalannissaasa tungaannut minutsini 20-30-ni qalaartillugit.
4
Qalannissaat 15-20 minutsit sioqqullugit naatsiiat aggukkat (piumaguit aamma selleri) akulerutikkit.
5
Suaasat taratserlugillu qasilitsulikkit.
Ilitsersuutit toqqakkat
Akussat
Suaasat assigiingitsutigut, assigiinngitsunillu neqitalerlugit iganeqarsinnaapput. Aana puisip neqaanik suaasaliat.
1 kg puisip neqaa
Uanitsut angisuut marluk
Naatsiiat angisuut marluk
Kuuloruujut marluk
2 dl qaqorteqqasut kinertuliassat
3 l missaa imeq
