Porret, knoldselleri, kuuloruujut persillerøddillu suppeurterinik qerisunik taarserneqarsinnaapput.

Neqi igamut ikeriarlugu imeq 2 ½ liiteri kuereerukku qallasertiguk.

Qajorlaajaruk.
Persille, tupaarnat qasilitsullu ilivitsut kaffinut nakkartitsivimmut ikeriarlugit qilersinnarlugit suppimut ikikkit.

Porrit qaqortortai ammarlortillugit aggukkit.
Porrit qorsuttai suppimut ikikkit.
Selleri, kuuloruuju, persillerod uanitsorlu kipparissuaranngorlugit aggoriarlugit immikkut porrinut akuleriisikkit.

Suppe nalunaaquttat akunnerini pingasuni qalaarterusaariarlugu neqi qaqiguk.

Suppe nakkartitsivikkooruk orsortaajarlugulu, taamaaleriarlutit imertaa 1 liiterit missaannaanik angitigilernissaanut qalaartiguk.

Naatitat minutsit 15-it missaanni suppemi qalaartikkit neqilu aggorlugu.

Neqi suppimut akuleruteriarlugu taratserlugulu qasilitsuleruk, iffiamik seqummarluttulimmik illulerlugu sassaalliutigiuk.