Umimmaap neqaa qerisoq arriitsunnguamik initut kissartigisumi aasserneqassaaq, nalunaaquttat akunnerini 5-6-ini aakkiartuaarnissaa naatsorsuutigineqassaaq.

Neqi neriassiornermi allunaasaaqqamik noqarutsersinnaavat (imermik qalattumik kueqqaarlugu), taava neqit kilitatit ammalorniassapput.

Siatsissutissat kajortiseriarlugu neqi assakartarlugu tamaat kajortisiguk (qajuuttat qisuit marluk atorlugit assakartaruk).
Taratserlugulu qasilitsuleruk punnileqqillugulu/makkariinaleqqillugulu.

Siataq sakkukitsunnguamik minutsini 35-45-ini siarusaaruk, neqi qanoq issutiginersoq naatsorsoruk, siatavillu siannerata nalaani pingasoriarlutit-sisamariarlutit assakartaruk.

Siatat ukiup qanoq ilinerani akussaqqissunik akusinnaavat.