Puisip kujaa taratseriarlugu igami kajortisiguk.
Orsortaa qallinngoriarlugu imileruk.

Neqi minutsit 30-40-t missaanni qalaarteruusaaruk.
Tamatuma kingorna neqi foliemut pooruk.
Sassaalliutigineqannginnerani kajortisinniarlugu minutsini tallimani grillertiguk.

Neqi saattunngorlugu aggoruk.
Kimmernat imaluunniit græskarit seernartuliat neqimut akussatut atorneqarsinnaapput.

Naatsiiat saleriarlugit qeqqisigut avikkit.
Qaavi kipparissunik kilioriarlugit uuliamik tanikkit.
Taratsikkit, timianilerlugillu.
Kissarsuummi 200 gradinut kissariikkami minutsini 30-ni naatsiiat uutsikkit.

Kuannit rosenrødilluunniit pilutaat, imerlu minutsini tallimani qalaartikkit.
Qalaarnerani aalatikkit.
Immuup qalipaa akuleruguk, miserarlugu minutsit 15-t missaanni qalaartillugu.
Taratsunik sioraasanillu nammineq iluarisannik akuguk.

Puuguttamut sassaalliutigikkit.