Saarulliup nerpia mikisunnguanik aggoruk. Iffiorluni pappiaraq fadimut angisuumut siaariarlugu, nerpiit siaruarlugit ilikkit.

Hyldeblomstsafti, alussaateeraq punneq, dildit friskit qerisulluunniit kiisalu taratsut qasilitsullu siaruaallugit akulerutikkit, pappiaqqamillu matulluarlugit.

180 gradini 30 min uuguk.

Naatsiiat kuuloruujullu aggoorariarlugit siatsimmi siaasakkit.

Taratserlugillu qasilitsulikkit.

Icebergsalati amitsunnguanngorlugu aggorneqassaaq agurkilu kilioriarlugu icebergsalaatinullu akulerunneqarlutik.

Iffiugaq 5 min missaani kissaanneqassaaq, aalisagaq kissarsuummiinnerani. Aalisakkamik naatitanillu puuguttamut niuseriarlutit, kissalaartumik iffiugalerlugu sassaalliutikkit. Takanna.