Savap quttorai salitassaappata salikkit peertariaqarsorisatillu piiarlugit. Fademut ilikkit neqitaasalu qaavi savimmik itivallaanngitsumik ammartikkit.

Hvidløgit, tupaarnat, qasilitsut taratsullu neqimut tangiukkit, neqip aggulunnerisa qoorortai ilanngullugit.

Kissarsuumut ikiguk 1 tiimilu 200 grader kissallugu.

1 tiimi qaangiuppat uunnermini qajua igaaqqamut kuiguk. Taanna miseqqiornissamut atussaaq.

Imeq siatamut kuiguk, 1 tiimilu kissarsuummut uuguk/siaguk.

Tip: Savap siannerani uku suliarikkit: Salatit naatsiiallu.

Naatsiiat qalipai saleriikkat igamut ikikkit imermillu immerlugu. Taratserluakkit punnerlu ikiguk qalaartillugillu xx minutsit missaanni.

Salaatit pilutaasartai piiakkit aggorlugillu.

Skåålimut piskefløde kuiguk sioraasallu kuillugit. (Pingaaruteqarpoq sioraasat siulliunneqarnissaat).

Taava aatsaat seernartoq Lager eddike kuissavat. Aalateruk.