Hasselnøddit kissarsuummi 175-inik kissassulimmi sikatsikkit minutsini 10-15-ini aalatillattaarlugit. Sikannerminni qalipaat katagassapput.

Hasselnøddit kissartut tiitorfiit allarutaannut errortamut poorlugit tagiartukkit qalipaat katatsillugit.

Nougat igami aatsiguk kissarsuutip sakkukinnerpaaffiani. Aqillutsilaaginnassaaq hasselnøddit akulerullugit aalassinnaanngorlugit.

Kaagiliorfik formi 20x15 cm-isut angitigisoq pappiaqqamik qalleruk.

Sukkulaaq aggoqqissaarlugu qalattup qulaani aatsiguk aalatillattaarlugu.

Sukkulaap aatsitavit affaa formimut siaartillugu kuiuk nal. akunneralu ataaseq nillorserlugu.

Nougati kusanartunik manissarlugu sukkulaamut aatsitamut qalliuguk. Sukkulaap sinnera nougatsip qaavanut tarngutigissavat.

Akuugaq nillataartinneqassaaq sukkulaap manngertinnissaata tungaanut. Oqummeruminartunngorlugu aggorneqassaaq.

Haaselnøddit peanutsinik taratsikkanik taarserneqarsinnaapput.