Marcipani skålimi seqummalasunngortuk. Flormelis manniillu qaqortortaat akulerutikkit mikisunnguakkuutaarlugulu marcipanimut akulerutikkit naqittaatigalugu. Naqittagaq nipoqqutalaalissaaq. Taamaattumik manninnik akuleriissat tamaat atussagunanngilat.

Naqittagaq sisamanngorlugu aviguk tamarmik 150 g miss. oqimaassusilinnik. Nerrivimmut assannullu flormelis nakkalataaruk naqittagarlu amitsukujuuliaralugu 50 cm miss. takissusilinnik.

Naqittagaq oqummiuteriaannanngorlugu ilusilersinnaavat imaluunniit amitsukujuunngorlugu ukiut kisitsaatut ilusilersinnaavat. Naqittagaq kisitsisitut ilusilerlugu plade-mut iffiorfimmut pappiaqqamik qallikkamut iliuk. Kransekagimut kisitsisiliatit ataasiakkaarlugit kajortinnissaannut igakkit. Minutsit 8-10 175 grademut kissanneqassapput. Nakkutigissavatit qalapallallarujussuarsinnaapput.

Kisitsisit qalatatit ristemi nillorsikkit.

Manniit qaqortoertaat sioraasallu sakkortuumik aalaterlugit qalliusiarikkit. Qalliut kinertorujussuussaaq suluunnaasamit pappiaqqamik iffiorfissiamit aniatillugu ilutsini atuinnarsinnaassallugu.

Sukkumik qalliut kransekagimut nillorsimasumut 1 cm miss. akuttutigisunik aniatillugu pinnersaasiariuk.