Neqit aserortikkat, manniit, uanitsoq raspillu akuleriisillugit aalatikkit.

Niutsivik kissarsuutikkoorsinnaasoq taneriarlugu aalataq ”iffiaasanngorlugu” ikiuk.
Ikerani silaannatitsininnerit peerniarlugit pattalaarluartaariarlugu qaava ippaammik masattumik manissaruk.

Baconit qaavanut ilioqqakkit (sinneri aggulaariarlugit sinaanut iliorarsinnaavatit.

Kissarsuummi 225 gradimut minutsini 15-ini kajortiguk.
180 gradimut sakkukilleriarlugu neqip qaanut immuk kuiuk.
Minutsini 45-ini siatsiguk.

Paqqappallaannginniassammat siannerata nalaani qaavatigut immuttaanik kuerallattaajuk immaqalu imertalilaarlugu.

Naatsiiat qalipaajariarlugit ikkukkit.

Qalassimanersoq takuniarlugu neqitaatigut kapiuk issera qaamasunngorsimanersoq takuniarlugu.
Niutsivik qaqeriarlugu qajua igaaqqamut kuiguk.
Naatsiiap qajuanik ako- riarlugu kinernerata naammassisinissaanut immuup qalipaanik akullattaajuk.

Miseraq qalatsilluaruk akuleriilluarnissaanullu aalaterusaaruk.
Gelémik mamarsaaseriarlugu majsimik issorsaasiamik kinersaasilaarsinnaavat.
Miseraq miseqqap akussaanik qernersaasersinnaavat.

Uutat issusuunik kitseriarlugu, naatsiialerlugu sassaalliutigiuk.