Naatitat qerisuut mikisunngorlugit aggukkit.

Naatitat nutaat mikivallaanngitsunik aggukkit, siatsivillu siatsissutissalilaarlugu qiluttarlugit.
Hvidløgit agguararnianngikkukkit kitsikkit.

Naatitat manniillu neqimut akulerutikkit (neqi katangalannginniassammat manneqarpoq):
Taratseruk, qasilitsuleruk hvidløgilerlugulu.

Akuukkamut naammattumik siatsivimmik kissaagit.

Siatsissutissaleruk.
Akuugaq tamaat siatsivimmut siammarteruk.
Ataa minutsini tallimani-arfineq pingasuni kajortiguk.

Siataq mumillugu puuguttamut angisuumut nuuguk.
Siatap illua-tungaa kajortinniarlugu siatsivimmoorteqqiguk.

Siatsik matullugu siataq siarusaartiguk, imaluunniit kissarsuut 185 grademut kissatseriarlugu siataq minutsini 15-ini siatsivimmiitiinnarlugu qalatsiguk.

Siatsiviup matua ikersisimatilaaruk.

Siatsiviup tigummivia ”plastikkiuppat” qillertoraminermik poornissaa eqqaamallugu.