Tatsit kuullu akornanni qaqqani aammalu kangerlunni kissalaartuni qooqqersimanerni, aasaanerani isseqarluartunik paarnaqalersarpoq. Minnerunngitsumik tamaani paarnaqutit mamarineqarluartunik isseqarluartunillu paarnallit nassaassaapput, aammalu piumaneqarluartut kigutaarnat naggui tungusunninnerusunik kigutaarnartallit siumungassaallutik. Kimmernat aamma allat nerineqarsinnaassut nassaarineqarsinnaapput. Uumasunut, timmissanut inunnullu naammattut – ingerlaannaq mamarsaatigineqarsinnaasut imaluunniit ukiup ingerlanerani peqqumaatigineqarsinnaasut, soorlu simersiatut, issortitatut aammalu kinguleqqiutitut mamartuliaasinnaallutik. Miseqqianut nerisassiornernullu allanut atorneqarsinnaaneri eqqaanngitsoorneqarsinnaanngillat.
Nunatta paarnai akugalugit ilitsersuutit assigiinngitsorpassuit maani Mamarisavummi isumassarsiorfigisinnaavatit. Assersuutigalugu muffinsit nunatta paarnaanik akullit, risengrødskage parnanik uutanik akulik imaluunniit smoothiebowli mamarluinnartoq misilikkit.
