[text_output]Mamarisavut.gl-imut tikilluarit.

Tassa Nunatsinni nittartakkani nerisassiornermut ilitsersuutinik imalik siulleq. Maani, pisiniarfimmit nioqqutissiassat pinngortitamillu pissarsiassat atorlugit ulluinnarni nerisassioriaaseq ilaatigut nutaaliaasoq atorlugu nerisassiornermut ilitsersuutit nassaarisinnaavatit. Mamarisavut nutaaliaanerusut mamarisatoqqavullu uani nittartakkami takuneqarsinnaapput.

Uani quppernermi nutaaliorlutit nerisassiornissannut ikiortissarsisinnaavutit ilitsersuutissarsisinnaallutillu.

[/text_output]
[text_output]Nerisassiornissannut ilitsersuutinik ikiussavatsigit aamma nalliuttorsiornermi nerisassiussaguit  imaluunniit ulluinnarni ajornanngitsunnguamik nerisassiussaguit isumassarsiassatsialannik ikiorsinnaavatsigit. Ilitsersuutit tamarmik inunnut sisamanut naleqquttussiaapput. Nerisassiornissamut aamma siunnersuutissatsialannik peqarpugut. Nerisassiornissannuttaaq ajornannginnerusumik ilitsersuukkumallutit Video-lianik ilitsersuutinik aamma takusassiaateqarpugut.
Mamarisavut.gl-imut tikilluarit – nittartakkami Nunatsinni nerisassiornermut najoqqutassaq.[/text_output]
[text_output]Umimmammit burgeriliaq

1 kg umimmaap neqaa aserortigaq
Burgerpoor´lut sisamat-tallimat
Icebergsalat
Tomatit marluk kitsikkat
Agurki affaq kitsigaq
Puulukinineq
Immussuaq kitseriigaq, emmentaleriusinnaavoq
3 dl cremefraiche
Tomatpuré alussaateeraq ataaseq
Uanitsoq ataaseq
Ketchup
Punneq/makkariina imal. uulia
Taratsut qasilitsullu
Pommes frites qerisut puussiaq ataaseq[/text_output]

[text_output]Umimmaap neqaa aserortigaq sisamanngoruk-arfinilinngoruk, burgerpoo´lunut naammaguttussanngorlugit ilisilikkit – naqillugit singartissinnaavatit (nammineq issussusilissavatit). Tomatit, agurki uanitsorlu saattunnguanik kitsikkit. Icebergsalat alittoruk/aggoruk. Cremefraiche aamma tomapuré akuleriiseriarlugit atornissaata tungaanut nillataartitsivimmiisiguk.

Puulukimineq siatsimmut sialaariarlugu qaqiguk. Umimmammit bøffiliassavit mumingi tamaasa minutsini pingasuni-sisamani siakkat, (qalassimanersut naqilaarlugit misilissinnaavatit). Mumereerukkit qalalivinnerini qaavatigut immussualikkit immussuarlu aatsillugu.

Pommes frites puuani allaqqasoq malillugu qalanneqassapput.

Burgerpoor´lut 200 gradimut minutsini pingasuni-sisamani kissakkit.

Burgerit nammineq akoorlugit sassaalliutigikkit.[/text_output]