Skålimi angisuumi manniit aalateruluukkit. Qajuusat, pullassaatit, sioraasat vaniljesukkullu akulerutikkit. Immuk mikisunnguakkaarlugu ilannguguk, aalatat kulumpanitsinnaveerssaarlugu. Punneq aatsitat ilannguguk aalatat assigiiaalersillugu.

Skålinut qallutinulluunniit 4-nut aalatat agguaruk. Kaaginut qalipaatissiamik kuseriarnerit marlunnik tamaasa qalipaasikkit aalallugillu, taava 4-nik assigiinngitsunik qalipaatilinnik kaagiliassaateqalissaatit.

Vaffeliliuut kissaguk punniminermillu tanillugu. Kaagiliassaq qalipaat ataaseq qeqqanut kuiuk. Qalipaatip tullianik kaajallallugu kuiuk. Vaffeliliuutip ulikkaarnissaanut ingerlaannassaatit.

Vaffeliliuut matujuk, vaffelillu kajortinnissaannut kissallugit. Flødeskummilerlugit sassaalliutigikkit.