Aalisakkat, qaleruallillu nerisaqariaatsitsinnut, peqqissutsitsinnullu pissusissamisoortumik ilaajuaannarnikuupput. Timimut oqimaaqatigiisseqataasunik pingaarutilinnik omega 3-nik, D-vitamininillu pissarsiffigilluartarpagut. Nerisassanut kissaannarissanut sanilliullugu aalisakkat aamma peqqinnanngitsunik orsutaqanngillat, tarajoqanngillat, sukkoqaratillu. Taamaattumik sapaatip akunneranut aalisakkanik, qalerualinnillu suli nerisaqarluartassaagut. Kisianni immaqa nerisassiat pisariitsut nalunngeriikkatit peqqinnarninngorlugit taakkua akugissallugit misiliiffissanngorpoq.
Asanninneq, qanilaarneq kammagiinnerlu nuannaarnermik inuummarissusermillu pilersitsisarpoq. Kisimiinngitsutut misigilersittarpaatsit inuunerullu nuannersui pikkunartorsiorfiilu allanik avitseqateqalersittarlutit. Soorluttaaq peqqinnarnerusumik inuunissannik nukissalersittaraatsit.
Pingaarutilinnik vitamineqarput, mineralit, antioxidantit, fiberillu, taakkualu qaalersittarpaatsit. Ullut tamaasa inerititanik nerisarit, timippillu akiuussutissaa nukittorsarlugu.
Naatitat paarnallu tungusunnitsortaqarput, kaloriakittunnguullutillu vitaminertaqartorujussuupput, timittalu akiuussutissartaanut iluaqutaallutik. Ukiup paarnaqarnerani kigutaarnaqarneranilu qerititsiviit immerluartaruk. C-vitamininik imaqarluarmata.
Umimmanniit tuttuniillu proteineqarluarnerupput orsumillu issorneq ajortumik, omega 3-imillu imaqarluarnerullutik. Nungusaataanngitsumillu pinngortitatsinnit pissarsiarisinnaallugit.
Sivisunerusumik qaarsilaartittarpaatit. Aappit sukkoqarnera ataavartumik inissisimatittarpaa, tungusunnitsugunnerillu minnerulersillugu.
Ilaannikkooriarlutillu kaagimik tungusunnitsunilluunniit pisarsinnaavutit, peqqinnartunik nerisaqarnikkut, timigissartarnikkut kammalaateqarnerillu oqimaaqatigiissaartumik ingerlannerisigut.
Nukissanik ikuallaanermi, timi nukittunerulersarpoq nukissaqarnerulertarlunilu. Timigissarneq pisuttuarnerusinnaavoq, piniarneq imaluunniit arsarneq – nuannarinerpaasat aalluguk.
Tamatta assigiinngilagut. Taamaammat illit kisivit oqimaaqatigiissumik inuunissat nalunngilat. Apeqqutaavoq kinaanersutit, qanoq utoqqaatiginersutit, sumi najugaqarnersutit suullu nuannarineritit. Peqqissutsimut toqqagassat iunnersuutissaraagut, illit nammineq tulluarsarsinnaasat. Taamaasillutit tamanna oqimaaqatigiissumik inuunissat, tarnikkut eqqissinermik aammalu ulluinnarni nukissarluarnermik pilersitsisoq nassaarisinnaassagakku. Toqqagassaq tooruk, paasisaqarnerullutillu.
Ulluinnarni allannguiniaraanni, karritanik aserorterneqanngitsunik nerisaqalerneq ajornannginnerpaavoq. Nerisatit annikinnerulersillugit nukissaqarnerulersillutillu, karritat aserorterneqanngitsut sivisuumik qaarsilanartarput.
Sorlaat nerisassat tamarmik ipaguaqarluaramik qaarsillarnarput. Aap sukkua allanngujaatsittarpaa taamaalillutillu tungusunnitsunguummernissaraluit ingalassimattarlugu.
Ullormut peqqinnanngitsunik tamussillattaarnissaraluannut taarsiullugu naatitanik qaqqortarissanillu tamussillattaasinnaavutit, kaloriaqarpallaanngillat pisariaqartitatsinnillu vitaminitaqarput qaassunnilernaveersaateqarlutillu.
Qunguleq vitamineqarluarlunilu ipaguaqarluarpoq.
Mamaa pikkunartuunnginnami nerisassiani assigiinngitsuni akugineqarsinnaavoq.
©2024 All rights reserved
