Imeq 1 literi qalatseriarlugu qajuliassaq iluanut aatsiguk. Uanitsoq hvidløgilu qalipaajariarlugit sequtsikkit. Igamut angisuumut ataatsimut siakkit. Taratserlugillu qasilitsulikkit.

Suaasat igamut ikikkit. Viinni qaamasoq iluanut kueriarlugu aalarterusaaruk. Suaasat assilaaginnarlugit qajoq iluanut kuillattaajuk. Aalaterlugit imertaa aalartiguk. Suaasat qalappallaaratik neriuminarsinissaannut qajulillattaakkit. Aqippallaaratik neriuminarsinissaasa tungaanut misilillattaasinnaavatit.

Qajumik nunguutsiguit imermik qalattumik akullattaasinnaavatit.
Eertat akuliutitikkit minutsialuillu kissallugit. Parmesan/immussuaq kiliugaq punnerlu risottomut akulerutikkit. Citronip isseranik akukkit taratserlugillu qasilitsulikkit.

Nerpik oqummiukkuminarsarlugu aggoruk taratserlugulu. Nerpik siatsimmut siassinnarlugu risottop qaavanut puuguttami itisuumi sassaalliutigikkit.