Niaquusamut qajuusat taratsilaarlugit qasilitsulilaarlugillu ikikkit. Mannik niaquusamut allamut aseroriarlugu aalateruk. Niaquusamut aamma allamut rasp kuikkit. Nerpiit qajuusamut misuperaariarlugit, mannimmut misuperaariarlugit raspinut misuperaakkit. Nerpiit qallikkat puugutaasamut ilikkit.

Siatsiviup naqqa tamaat asserlugu siatsissutissamik uulialeruk. Uulia naammaannartumiit kissartorujussuarmut kissaguk nerpiillu tulleriiaallugit siallugit, mumingi tamaasa 3-4 minutsini siakkit. Igaffimmi allarutissiamut kusertikkit taratserlugillu. 100 gradimiitillugit kissassimaartikkit.

Agurkit simersiat mikisuaranngorlugit aggoriarlugit mayonnaisemut citronip issilikkamut akuleruteriarlugit taratserlugillu qasilitsulikkit.

Hotdogit qaqortuliassartai kissarsuummi iffianulluunniit sikatsitsissutikkut kissakkit. Hotdogit qaqortuliartassai tamaasa mayonnaiselerlugit akuukkamik tanissinnarlugit hvidkålimik agguarakkamik akullugit taavalu nerpiit kissartut qaavinut ilikkit.