Neqi sikaasaqqammersoq aatsaat tassa mamartoq. Neqi tanikkukku kinisimaarluguluunniit mamaa qanorsuarluunniit allanngorartissinnaavat. Oliven-
uulia tiitorfimmooriarlugu taratseruk qasilitsulerlugulu, kiisalu Nunatsinni naasut nerineqarsinnaasut arlaat soorlu qajaasat, tupaarnat kuannilluunniit panertitat. Alussaammut siinuppi sioraasallu kajortut akulerutikkit. Sioraasat siinuppilu siatsinermi siatap qaavanik sikattunngortitsisarput. Akussai tamaasa akuleriiseriarlugit neqip qaanut tarnutikkit. Sikaasaavimmi innermut toqqaannanngitsumi sikaasarneqassapput naggataatigullu minutsi ataaseq mumingi tamaasa sikanneqassapput. Neqi patitsitaliornermi imaluunniit mamarinerpaasanik akullugu nerineqarsinnaavoq. Neriartoqqusaqassaguit ullormik ataatsimik sioqqutsillutit piareersarsinnaavat. Kinisimaarfissartaa akooriarlugu neqi ilanngullugu qerisup puussaanut ikiuk. Neqi kinisimaartillugu nillataartumi unnuisimatilluni sikaasaraanni aqittuinnanngortarpoq.
Nuannisarisi nerilluarisilu!
