Aseqqorluttoq tassaannaanngilaq iffiaq ilivitsukaanik kingunissanik akulik. Fuldkorn ima paasineqassaaq, iffiugassami kingunissat akui tamarmik ilaasut. Karrip kingunissaa qalipaqarpoq, iluatungaani qaqortortaa ilorlerpaallunilu kingunissartaa.
Qalipaaniipput fiberit. Qaqortortaa kulhydratiuvoq, tassalu tamanna nukissaqartitsisuuvoq, kingunissarpiaalu vitamiininik proteininillu peqqinnartunik imaqarpoq.
Fuldkorn tassaasinnaavoq karrit ilivitsut imaluunniit iffiugassaq aserortigaq. Taamaalillunilu iffiugassaasinnaavoq, qaqortuliassaalluni pastalu fuldkorniusinnaavoq qajuusat atorsimasat karrip pisatai tamaasa akugippagit.
Nalorniguit nerisassap puuani allagartaa atuaruk. Tassanimi allassimajuaannarpoq fuldkorn atorneqarsimanersoq imaluunniit naamik. Aamma aappaluartumik fuldkorniunera ilisarnaatitaqarpoq.
Sunaana aseqqorluttoq?
Sooq fuldkornit peqqinnarpat?
Fuldkornit timimut iluaqutaapput. Qaarsilaarneq sivisunerusumik malunnartittarpaat aallu sukkua allanngutsaalillugu, tungusunnitsugunneq minnerulersillugu.
Fuldkornit erlaviit suliassaqartittarpaat, kræfteqalersinnaaneq uummatillu taqarsuisigut nappaateqalersinnaaneq minnerulersillugu. Aammami fuldkornit kolesterolip kisitsisai appasinnerutittarpaat.
Qanoq fuldkornitortigissaagut?
Innersuutigineqarpoq ullormut 75 g fuldkornitortassasugut. Tamannali qanoq atsigaa?
– 1 Issingigassat uugutaq kilitallu marluk fuldkornimik iffiugaq
– 1 fuldkornspasta kilitallu marluk fuldkornimik iffiugaq
– 1 yoghurt issingigassanik müslilerlugu, kilitaq ataaseq fuldkornspitabrød aamma fuldkornsknækbrød ataaseq
– 1 puugutaq fuldkornsris, kilitaq ataaseq fuldkornimik iffiugaq aammalu kilitaq ataaseq fuldkornsknækbrød
