Sissuigassaq: Ilitsersuut ajornanngitsunnguuvoq, atortussannilli uunartunut inersimasumik ikiorteqarit.

Flormelissit affaat kissarsuutip siatsivianut kipparissumut imaluunniit kaagiliorfinnguamut kipparissumut (18 x 26 cm miss.) kuikkit. Skåli angisooq imermik nillertumik immerlugu husblassit ataasiakkaarlugit ikiorakkit.

Sioraasat imeq saftiluunniit igamut kuillugit aalatiutaa qalatsikkit – inersimasumik ilalerlutit. Qalatat 115-nik kissassuseqassaaq – siatsilluni kissarnermut uuttuummik atortulerit. Igaq qamiguk.

Husblassit erngat siggorlugit peeruk imermullu sukkulimmut kissartumut aatsillugit. Vaniljesukkut akulerutikkit. Naqittagassamut aalaterut assammilluunniit piskerut atoruk sakkortuumillu aalallugit kinersitillugit nipoqqutattunngorlugillu (minutsit 6-10 miss.).

Aalatat kissarsuutikkut siatsivimmut flormelissilimmut siaartiteruk. Qaava nalimmassariarlugu flormelissip sinnera qalliuguk. Nillorseruk issortinnissaata tungaanut. Qiuutinik qiortarlugu juullimut skumfidusiliariuk. Nipoqqutappata flormelissimik nakkalataakkit.