Narsami nerisassivitsinniit
Amerlanerit Narsami uumasunik toqoraavittut nalunngilaatigut. Aammali nerisassaleriviuvugut neqinik suliallit, igasut inuussutissanillu piorsaasut nerisassat mamarnerulernissaannik suliaqartut. Neqimimi qularutiginngilarput Kujataani asimi uumasuuteqarneq nunatsinni neqitugassat pitsaanerpaat ilaannik pilersitsisartoq.
Uumasunik ataqqinnilluni toqoraariaaseqarneq ingerlapparput, taamaalilluta nerisassaasivitsinniit toqqaannartumik angerlarsimaffiit mamarluinnartunik pilersorsinnaallutigit.
Mamarisavut suleqatigalugit nerisassiornermik ilitsersuutivut Narsami inuunitsinnit sunnerneqarsimasut siammartertarpavut akuutissaasinnaasullu asimeersut taqqavanilu naatitat neqini uulliatsinni iloqutinilu akugisarlutigit. Juutittap savaaqqamik kebabiliaa, Ernap savap niaqui kissarsuutikkut siatai, Kukallu nersussuarnit uummatiliai allallu igaassat pissanganartut misilikkit.
